港德大不同 -- 婚宴籌備篇 - 1

在德國，邀請朋友出席婚禮有條不明文規定︰
1. 歡迎攜眷出席
原來，婚禮在社交圈子既層面上仍然擔當相當重要既角色，
簡單黎講，出席婚禮及婚席係視作為一個識人的機會，
據(我身邊個位)說︰俾伴侶單拖出席既危險甚高，
一個唔覺意俾佢識咗其他人就分分鐘玩完。
我自己講出嚟自己都唔信，係咁既話返工放工咪都係跟到實﹖唔通佢又作故仔呃我﹖
Rita話德國既婚禮，伴郎如果帶埋女朋友出席，會一齊March-in 步入教堂。
聽完佢咁講我就開始安排次序，橫計點計都計唔掂數
得伴郎一個帶女朋友嚟，咁咪點都突一個，想點﹖
中西合壁唔到唯有其中一邊讓步啦，而讓步既當然唔係我啦，事關係我安排架嘛。
但係邀請朋友出席婚禮同婚席既時候，遵例都問埋朋友的另一半，不過都冇咩邊個帶埋啫。
除咗婚禮，其實喺德個大部份既宴會及PARTY都係「歡迎攜眷出席」既，
為咗呢個問題，我地討論咗好耐，只能夠講係文化相異。
2. 無論大小形式婚宴聚會，人情照做
喺香港梗係冇人埋啦，除咗正規中西式婚宴，大安旨意唔駛理啦
甚至連去多幾個婚宴都唔想，因為要做人情
會咁諗我都明既，香港真係搵食艱難
但係計Budget即時候就唔同計法，搞咗我好耐都解唔明我身邊嗰位
結果，佢就開始萌生擺婚宴既念頭.....
而加埋家姐同阿RUTH既建議，結果我地就訂咗婚宴喇