講德文化 2. Himmelfahrt aka Männerstag 耶穌升天節

耶穌升天節喺德國係公眾假期，咁都有一日假放真係正﹗
(FYI: 耶穌升天節係耶穌死後三日復活咗，第四十日升天。)
呢日名為耶穌升天節，實為德國父親節，或稱男士日。
通常四五月份既呢一日天氣已經回暖，四周圍都綠草如茵，
正值德國最舒服既時候，溫度適中，雨量唔多，
同中國人一樣，呢啲時節最好去登高遊湖，
講真行山、踩單車同遊湖都係德國人最喜愛既家庭活動之一。
難得星期四都有假放，同老婆仔女去戶外活動兼野餐，
呼吸一下新鮮空氣，順便做下運動，曬個日光浴，扮下健康生活好家庭。
(另一方面抱著個小朋友，一面食煙飲酒....個別例子)
仲未結婚既男士，放假冇嘢做，又冇理由同屋企人去咁搞笑吖，
於是就同班Fd去開趴啦。
日頭開趴唔駛去酒吧，一大班人拖著副音響同啤酒箱，行到邊趴到邊。
Ducati幾年前同佢班Fd就特別為呢一日整咗架雙人單車，點解係雙人﹖
因為咁樣飲醉咗都一樣平衡到，加埋後面拖著個音響箱同啤酒箱，想點趴就點趴﹗
為咗玩真係乜都得……